Savjeti za pametno mršavljenje

Kako bi izbjegli pritisak koji osjećate svakodnevno i zaista uživali u čokoladi ili nekoj drugoj poslastici donosimo vam nekoliko savjeta koji će vam pomoći pri mršavljenju, a da nećete ni osjetiti teret koji sa sobom donosi činjenica da ste na dijeti.

Ne debljaju se samo osobe koje unose u organizam previše hrane, već i one koje ju unose u pogrešno vrijeme ili se dovedu u situaciju kada bez da su to primijetili pojedu cijeli čips ili neku drugu brzu hranu.

Osnovni problem je što često jedemo ne zbog toga što osjećamo glad nego zbog društva, lijepog pakovanja, boja, oblika i mirisa. Zato je vrijeme da pametno sagledate svoje prehrambene navike i steknete potpuno nove.

1. Oslobodite se bombona, slatke kave ili soka! Ta gesta za vitko tijelo neće odmah rezultirati gubitkom kilograma, ali će u vama stvoriti naviku prestanka unošenja nepotrebnih kalorija u organizam.

Ipak, sve navike treba mijenjati postepeno da ne stvorite osjećaj kao da ste na dijeti ili sami sebe prisiljavate na nešto što ne želite.

‘Istraživanja su pokazala kako se ljudi koji jednu ‘light’ hranu debljaju više jer si priušte dodatne kalorije poput čipsa ili čokolade’.

2. Ukoliko želite jesti, a vaše tijelo uopšte ne traži hranu, recite to na glas. ‘Nisam gladna, ali ću ipak pojesti!’, to je rečenica koja će vas odvratiti od jela. Pokušajte! Još jedna strategija je da ono što želite pojesti stavite na tanjir. Često jedemo iz pakovanja, gurajući ruku u vrećice. Kada sadržaj vrećice istresete na tanjir vidjećete koliko toga ima i nećete sve pojesti.

3. Tačno će vam 13 minuta trebati ako sami ručate na poslu, a gotovo duplo vremena ćete potrošiti ako ručate u društvu. Prilikom jela ne bacajte ostatke onoga što ste pojeli već ih ostavite ne vidljivom mjestu. Ta će vas gesta natjerati da vidite koliko ste do sada pojeli i demotivisaće vas u daljem jedenju nepotrebnih namirnica.

4. Stavljajte hranu u manje posudice! Veća pakovanja motivisaće vas da pojedete do kraja iako možda niste više gladni.

Razdijelite hranu u nekoliko manjih plastičnih posudica čime ćete organizam rasteretiti suvišne hrane. Jedite povrće i time ćete osim osjećaja sitosti organizam naoružati i vitaminima.

5. Prije nego posegnete za slatkišima razmislite, želite li zaista to pojesti ili je to samo vaše trenutno stanje. Servirajte hranu u kuhinji što će vam dati priliku da shvatite jeste li još gladni i koliko. Prije nego idete u nabavku namirnica najedite se i tako se nećete dovesti u situaciju da vam se sve u trgovini čini lijepo i ukusno. Nemojte se dovesti u situaciju da morate od sebe skrivati čokolade i bombone.

6. Sjetite se gdje ste sve gricnuli nešto. Zaobilazite mjesta koja će vas ‘natjerati’ da naručite još nešto osim onoga po što ste došli. Dakle ako idete po hljeb, kupite samo hljeb, a ne i slasni burek ili pecivo s čokoladom. Činjenica je da svi pred televizorom volimo nešto gricnuti. No tim postupkom u svoje bokove, trbuh i noge unosimo dodatne kilograme, a da to ne primijetimo.

7. Kad dođete kući, ako ste ručali na poslu, nemojte odmah navaliti na frižider, već uzmite žvakaću koja će vas malo odvratiti od jedenja loših namirnica prije večere.

8. Najbolji način da promijenite navike je da vi sami ne shvatate da u život unosite velike promjene. Dakle, jedite hranu koja vas veseli, samo smanjite količine što će takođe pomoći prilikom gubljenja kilograma.

9. Obratite pažnju na zdravu hranu. Istraživanju su pokazala da se ljudi koji jedu hranu koja ne sadrži toliko masti debljaju čak 20 puta više nego oni koji jedu normalne sendviče, piju punomasno mlijeko i jogurt normalne masnoće. Zašto je to tako? Razlog je što se osobe koje jedu light hranu uvijek nagrade dodatnom čokoladicom ili čipsom.

10. Ukoliko je hljeb na stolu, vrlo je vjerovatno da ćete uzeti koji komad. Zato slijedeći put kad postavljate sto ‘zaboravite’ na hljeb. Vidjećete da vam neće nedostajati, a kilogrami će se topiti. Ako odlučite posjetiti slastičarnicu, i sretni ste što ćete napokon pojesti vaš omiljeni kolač, da bi izbjegli neugodne posljedice naučite se dijeliti deserte s prijateljicom.

Ovi vam savjeti ne garantuju brzu dijetu, već mijenjanje prehrambenih navika koji će vam pomoći da svoje tijelo polako, ali sigurno dovedete u red.

Izvor: Doznajemo.com