Nekada ste to kod njega obožavali, a sad vas izluđuje

U ranim fazama veze lako je zaljubiti se u partnera jer se on ponaša i djeluje upravo na način na koji vi želite. To je period kada će izvući najbolje iz sebe te pokazati svoje dobre strane. Kako vaša veza napreduje tako će vas s vremenom neke stvari početi smetati. Naime, što vam je nekad bilo simpatično s vremenom može postati neugodno i frustrirajuće.

Bezazleno osuđivanje

To što zbog nekih stvari kritikujete partnera ne znači da to činite zlonamjerno te da mu svjesno tražite mane. U ljudskoj je prirodi da osudimo one koji stvari doživljavaju drukčije od nas. Dakle, kada vaš partner govori, ponaša se ili djeluje drugačije vrlo je izvjesno da će na površinu izaći vaša ‘osuđujuća priroda’.

Takve situacije mogu dovesti do toga da u negativnom smislu upoređujete svog partnera s drugima te ga pokušavate promijeniti jer ste uvjereni da vi radite i znate bolje od njega, a njegovo mišljenje i savjete uopšte ne doživljavate.

Kada se nađete u takvoj situaciji, primijetićete da više nema povezanosti i bliskosti kakvu biste željeli. To je zato što osuđivanje i kritikovanje stvara razdvojenost. Manje osuđujte, a više prihvatajte i saosjećajte.

Želite li imati više razumijevanja i ljubavi pokušajte s ovih pet savjeta:

Svako radi kako najbolje zna

Svako pokušava od sebe dati ono najbolje na temelju stečenih životnih iskustava. Većina ljudi ne bi svjesno odlučila da budu loši i rade neprihvatljive stvari. Premda vam se ponekad možda tako i ne čini, ali vaš partner i u tim situacijama misli i čini ono što je najbolje. Prihvatite li način razmišljanja da je to što radi njegov pokušaj da se pokaže u najboljem izdanju, to će vam otvoriti prostor da ga bolje upoznate i prihvatite takvog kakav jest.

Više razmišljate, manje mu pripisujte svojih greški

Negativno ponašanje i reakcije našeg partnera nas izbacuju iz takta zato što kod njega osuđujemo ono što osuđujemo i kod samih sebe. Vaš partner je vaše ogledalo. Kada vas razljuti nešto što je rekao, projicirate na njega nešto što zapravo leži u vama. Razmislite kako možete to riješiti unutar sebe samih tako da se idući put ne razljutite kad se nađete u sličnoj situaciji.

Potražite zrno istine

Kad smo zauzeti osuđivanjem partnera, ne možemo vidjeti pravu istinu u onome što govori. Isprobajte ovaj mali eksperiment. Kad se ne budete slagali s onim što vaš partner govori, duboko udahnite, poslušajte ga i i razmislite o tome što je rekao. To će vam pomoći da shvatite da jednostavno drugačije gledate na stvari i da niko ne mora biti u pravu ili u krivu. Osim toga, postoji mogućnost i da vam otvori nove vidike i poglede na stvari.

Poradite na sebi

Kad mislite da znate bolje i pokušavate promijeniti partnera, razmislite da li možda remetite njegovu specifičnost i pouke koje treba izvući. Ponekad smo toliko usredotočeni na partnera da ne vidimo sebe i svoje ponašanje. Obratite pažnju na svoj vlastiti život umjesto da samo brinete o njemu. Pokušajte poraditi na sebi kako biste se poboljšali. Možda taj proces podstakne vašeg partnera da se i on promijeni.

Usredotočite se na njegove pozitivne osobine

Dobićete ono na što ste se usredotočili. Ako ste uglavnom zaokupirani njegovim manama one će postati još veće. Prisjetite se osobina zbog kojih ste se zaljubili u svog partnera. Potražite i usredotočite se na njegove kvalitete, pozitivnu stranu te generalno na ljubav koja vas veže.

Manje kritike, više ljubavi

Dosljednim praktikovanjem ovih pet načina povećaćete svoj kapacitet za prihvatanje i saosjećanje, što će vas dovesti do manje osuđivanja, a pokazivanja više ljubavi. Bez obzira budete li praktikovali ove vježbe, najvjerovatnije ćete se opet ponekad naći u situaciji da ćete ga zbog nečega kritikovati. No, sjetite se da je to ljudski, pa budite dobri prema njemu i sebi.

Izvor: magazin.hr