Maske za lice koje će oporaviti kožu i vratiti joj zdravi sjaj

Maske za lice koje pripremite u svom domu smijete koristiti jednom ili dva puta sedmično, a u nastavku vam donosimo njih nekoliko za različite probleme i tipove kože.

Prije tretmana uklonite svu šminku mlijekom za čišćenje i napravite piling. Lice kratko naparite čajem od kamilice. To će otvoriti pore i poboljšati upijanje sastojaka maske.

Čaj od kamilice takođe možete upotrijebiti i kao tonik. Natopite blaznice čajem i lagano očistite lice. Dok uživate u aromamaskama, na oči stavite vrećice čaja. Ne zaboravite ni na dekolte. Kako bi zadržala čvrstoću i elastičnost, tanku i osjetljivu kožu tretirajte pilingom jednom sedmično. Nježno, a dovoljno snažno, djelovaće domaći piling od zgnječene banane s dvije kašike zobi te čajnom kašikom meda i mlijeka.

Banane za zrelu kožu

Manju bananu, kašičicu djevičanskog maslinovog ulja, kašičicu cvjetnog meda i kap eteričnog ulja smilja umiješajte u glatku, kremastu smjesu koju ćete nanijeti na čisto lice. Nakon 20 minuta uklonite vatom i isperite. Kod zrele kože nakon skidanja maske u kožu utapkajte nekoliko kapi čistog djevičanskog maslinovog ulja.

Narandže za dehidriranu kožu

Pomiješajte tri kašičice brašna s dvije kašičice svježeg soka od narandže i kašičicom jogurta. Zatim dobijenu smjesu nanesite na lice i vrat. Ostavite da stoji oko 20 minuta pa zatim isperite mlakom vodom.

Majčina dušica smiruje upale

Krastavac i nekoliko listova majčine dušice izmiksajte u blenderu. Držite od 10 do 15 minuta na licu pa isperite u hladnoj vodi. Ova maska ima antiupalna svojstva te je odlična za crvenu i iritiranu kožu.

Za mješovitu i masnu kožu

Pomiješajte kašičicu čvrstog jogurta i kašičicu hladno prešanog ulja jojobe te dodajte kap eteričnog ulja lavande. Smjesu nježno umasirajte na čisto lice. Nakon 15-ak minuta uklonite masku mlakom vodom.

Jabukovo sirće za suvo lice

Imate li suvu kožu, pomiješajte dvije kašike meda i kašiku jabukovog sirćeta ili limunovog soka. Nanesite na čisto lice i ostavite 20 minuta. Isperite mlakom pa hladnom vodom. Jabukovo sirće uravnotežuje pH kože.

Izvor: 24sata.hr