Šest prijateljica koje treba da ima svaka žena

Neke drugarice su tu da utješe u teškim trenucima, neke volite u svom društvu jer vas zasmijavaju, dok su treće tu jer su uvijek raspoložene za provod i ludu zabavu. Upravo zbog toga u svom okruženju trebalo bi imati uvijek različite ljude.

Prijatelji su za cijeli život, ali svaki od njih ima svoju posebnu ulogu. S obzirom na različitosti među ljudima, s nekim osobama je prijatno u društvu, s drugima se tek povremeno pije kafa dok od trećih praktično nema razdvajanja. Upravo zbog toga ne treba tražiti previše od ljudi, već se treba fokusirati na ono najbolje što mogu da pruže. Evo kojih 6 prijateljica treba da ima svaka žena.

Motivator

Možda je u pitanju osoba koju poznajte duže vrijeme, a možda ste je tek nedavno upoznali, ali ovaj tip prijateljice volimo jer ima pozitivan pogled na život. Za nju je čaša uvijek “napola puna”. Uz ženu motivatora se osjećate srećnije i pozitivnije i ona će vas uvijek podstaknuti na nešto što ste oduvijek željeli da probate, ali se niste usudili.

Savjetnica

Koleginica, mentor, majka ili možda najpametnija osoba koju poznajete – znate da ćete od ove prijateljice uvijek dobiti koristan savjet. “Savjetnicu” ništa ne iznenađuje niti šokira i bez obzira s kakvim joj se problemom obratite, neće vas osuđivati. Biće uz vas stalno, bilo nakon raskida ili pri kupovini novog stana, ali uvijek s dosljednim i pametnim savjetima.

Prijateljica iz djetinjstva

Ovu prijateljicu znate od malih nogu. S njom ste se igrali u vrtjeću, išli u isti razred, odrastali. Ona vas uvijek razumije i njoj ne morate da nikada da se opravdavate. Prijateljica iz djetinjstva zna gdje i kako ste odrasli, poznaje vaše roditelje, braću, sestre. Toliko vas dobro poznaje da je ni neke vaše osobine koje su zaista iritirajuće, više ne smetaju.

Muški prijatelj

Vaš brat, kolega, prijatelj iz školskih dana ili dečko s kojim ste odavno prekinuli i shvatili da se jako dobro slažete bez intimne veze, sve su to primjeri muškog prijatelja. On može da vam pomogne da budete uporniji, nametljiviji i možda malo više sebični, što nije nužno loša karakteristika. I naravno, može da vam pomogne da dešifrujete ponašanje svog partnera i da vam da uvid u muški svijet razmišljanja.

Mlada mama iz komšiluka

Ovo je komšinica s kojom ste se zbližili jer obje imate malu djecu, a samim time i društvo za šetnje s klincima. Ona će vam uskočiti i pričuvati djecu kada hitno morate da izađete ili vam odvesti mališane do vrtića. U istoj je situaciji kao i vi pa vas razumije i uglavnom daje korisne savjete. U životu su vam potrebne prijateljice koje razumiju da je teško uskladiti svakodnevne obaveze kada ste mama. Upravo zbog toga je uvijek lakše i ljepše družiti se sa osobama koje vas shvataju u potpunosti.

Iskrena prijateljica

Ova će vam prijateljica uvijek reći istinu, bez uljepšavanja. Iskrena, direktna i ako je ona entuzijastična oko nečega u vašem životu, znate da je u pitanju dobra stvar. Iskreno mišljenje se uvijek cijeni, upravo zbog toga je ona jako vrijedna prijateljica. Ne radi se pritom samo o trivijalnim stvarima poput nove frizure ili izgleda u određenoj odjeći već će vam ova žena bez ustezanja reći ako se partner ne ponaša prema vama onako kako bi trebalo ili ako odnosi koje imate s kolegama nisu dobri.

Izvor: Telegraf.rs