Šta se tačno dogodi kada deaktivirate svoj Facebook?

Najpopularnija metoda ‘odmora’ od poznate društvene mreže ima svoja posebna pravila – evo na šta treba obratiti pažnju.

Prije nego što se bacimo na nabrajanje potrebno je definisati razliku između brisanja i deaktiviranja Facebook profila. Deaktiviranje je napravljeno za ljude koji nisu sigurni oko brisanja. Brisanje profila je malo drastičniji potez – ako izbrišete Facebook profil, vaši podaci će nestati, piše tportal.

Pretraga u Facebooku nakon deaktivacije

Ako deaktivirate profil, više se nećete pojavljivati u rezultatima Facebook pretraga. Vaš profil i vaši lajkovi će nestati sa Facebooka, ali i dalje će biti sačuvani u njihovoj bazi podataka.

Ako izbrišete Facebook profil, vaš profil će jednostavno nestati. Puno brisanje se, doduše, neće desiti odmah već nakon definisanog vremenskog roka – u slučaju da se ipak predomislite. Facebook će vaše podatke i profil arhivirati 90 dana nakon zahtjeva za brisanjem, a vaš profil ostaće nedostupan. Nakon konačnog birsanja neke informacije o vama će i dalje postojati, ali većina toga će biti obrisano. Ukratko – pretvorićete se u statistiku.

Šta će biti s mojim komentarima?

Ako deaktivirate profil, vaše objave neće biti javno vidljive, a neće ih moći pročitati ni vaši prijatelji. Vaš cijeli profil neće više biti vidljiv. Što se komentara tiče, Facebook ih neće izbrisati zato jer vam suptilno  želi dati do znanja koliko ste dugo s njima i kako bi bilo šteta da odete. Vaše ime će biti vidljivo kao običan tekst, a vaša profilna slika biće zamijenjena onom osnovnom.

Ako se odlučite kojim slučajem vratiti, sve objave i komentari biće tamo gdje ste ih ostavili. U slučaju brisanja profila, Facebook tvrdi da će svi vaši podaci biti izbrisani za tri mjeseca – uključujući komentare, reakcije i objave.

A šta će biti s Messengerom?

Bez obzira deaktivirali vi Facebook profil i dalje možete koristiti Messenger. Ako deaktivirate profil, Facebook će vas pitati želite li deaktivirati i Messenger. Ako odgovorite sa ‘ne’ informacije u vašoj aplikaciji biće očuvane. Ako odlučite ne koristiti uslugu za instantne poruke, uvijek možete odvojeno deaktivirati Messenger.

U nekim slučajevima moraćete ponovno instalirati Messenger nakon što deaktivirate Facebook. Ako izbrišete Facebook, moraćete se ponovno prijaviti u aplikaciju, ali ovog puta pomoću telefonskog broja.

Mogu li ljudi i dalje vidjeti moje poruke ako deaktiviram Facebook?

Kratki odgovor je – da. Poruke će se moći slati i primati sve dok imate pristup internetu. Ukoliko izbrišete Facebook, dosadašnje poruke biće oslovljene na ‘Korisnika Facebooka’. Na njih se neće moći odgovarati – slično stvar kao i kada nekoga blokirate.

Izvor: Tportal