Najlakši put do fit linije

Put do savršene linije ne vodi uvijek kroz fitness sale, sportske terene i preznojavanje. Otkrivamo vam trikove za svakodnevno vježbanje bez po muke.

Kućni poslovi – Zašto se preznojavati na napornim treninzima kada možete da smršate i zategnete tijelo i dok kuhate, peglate, čistite i bavite se mnogobrojnim drugim kućnim poslovima?

Usisavanje stana troši 200 kalorija i odlično je za oblikovanje nogu (stalno savijate koljena i tako zatežete butine).

Kuvanje – Za 45 minuta kuhanja gubite oko 100 kalorija. Kretanje po kuhinji može se uporediti sa preponskim trčanjem, jer je u oba slučaja tijelo pod naporom i pritiskom.

Peglanje – Rad na spravi za ruke u fitness studiju zamjenjuje vam 30 minuta peglanja. Pravite ravnomjerne pokrete i vaše ruke biće savršeno oblikovane.

Ljubljenje i seks – Kada se ljubimo, sagorijevamo otprilike 15 kalorija u minuti. Osim toga, za vrijeme ove aktivnosti aktivira se 30 mišića na licu, što je odličan antiage tretman.

Ako niste raspoloženi za trčanje, koncentrišite se na sport u krevetu. Pola sata strastvenog seksa sagorijeva oko 550 kalorija.

Zaboravite na lift i pokretne stepenice

Penjanje uz stepenice poboljšava cirkulaciju i kondiciju, te oblikuje noge, posebno listove. Ako se ubrajate u grupu – baš, baš ljenjivaca, kojima je svaka fizička aktivnost previše naporna, za početak će biti dovoljno da samo silazite niz stepenice, pošto se i na takav način mogu postići dobri rezultati.

Posvetite se renoviranju stana!

Kilogrami će se polako “topiti” kada budete krečili, lijepili tapete ili samo premještali namještaj.

Šoping bez griže savjesti

Uvijek ste znali da je kupovina divna stvar, ali da li znate da šopingovanjem dobijate i fit izgled? Nošenje teških kesa odličan je trening za ruke i leđne mišiće. Uz takve ‘tegove’, već poslije 15 minuta, sagorijevanje kalorija je sigurno. A kada stignete kući, nemojte odmah da spustite kese, već ih podižite još nekoliko puta gore-dole.

Nabavite psa ili ga pozajmite od prijatelja, pa sa njim krenite u šetnju. Hodanje je sasvim pristojan trening, a sa psom ćete morati mnogo da se krećete. Osim toga, lakše ćete doći u kontakt sa drugim ljudima, a možda započnete i neki flert…

Izvor: Nezavisne